Nú á að taka sér tak

Loksins Loksins

fimbulfambl — Wed, 22 Mar 2006 07:19:43 +0000

Það var mikið loksins fór ég yfir 1 kílóa múrinn í vigtun og náði mér í límmiða jbbííí. Það fóru 1,5 kg í síðustu viku og ég er að vonast að ég sé kominn á rétt ról núna, ég er þá búinn að kveðja 28,2 kg :=)

Kv Fimbulfambli

Langt er síðan

fimbulfambl — Mon, 20 Mar 2006 07:27:50 +0000

ég bloggaði síðast. Þetta hefur gegnið svona upp og ofan síðustu vikur og kílóin hafa ekki beint flogið af mér. En þetta hefur mjakast og er ég kominn niður í 93,6 kg og eru þá 26, 7 kíló farin af mér síðan í september á síðasta ári. Það er óhætt að segja að manni líður MIKLU MIKLU betur allur léttari á sér. Það fóru 900 gr síðast en ég hef ekki náð að komast yfir eins kílóa létting mjög lengi, en tók góða viku þessa síðustu borðaði mikinn lax þannig að vonir standa til að vigtin verði jákvæðari á morgun þegar næsta vigtun er.

Kv Fimbulfambli

Valdahroki

fimbulfambl — Thu, 23 Feb 2006 08:59:12 +0000

Veit ekki hvort þið heyrðuð hádegisfréttirnar á Bylgjuni í gær en þar var ein frétt sem vakti athygli mína. Þannig var að fjármálaráðherra Árni Mathiessen var spurður um það þegar að Kastljósið, fréttastofa NFS og prófessor í Háskólanum, Stefán Ólafsson höfðu allir komist að sömu niðurstöðu um að skattbyrði tekjulágra einstaklinga og þeirra sem eru með millitekjur hefur hækkað miðað við síðustu tíu ár meðan skattbyrði þeirra sem hæst hafa launin hefur lækkað, fjármálaherra sagði bara að þetta væri hin argasta vitleysa hjá öllum þessum aðilum, skattarnir hafa lækkað, síðan sagði hann að íslendingar væru nú ekki þekktir fyrir að vera góðir í reikningi, það hefði rannsóknir á íslenska skólakerfinu sýnt, og þetta væri bara dæmi um það. Hvað finnst ykkur, þegar menn hafa setið á valdastólum í tæp sextán ár eru menn ekki orðnir svo umkringdir af “já” mönnum að þegar einhver rökstudd gagnrýni birtist á þá, þá er það bara bull. Er ekki tími til kominn að gefa þessum mönnum frí og leyfa öðrum að komast að. Ég er allavegana búinn að fá uppí kok af núverandi valdhöfum.

Vinsamlega kjósið einhverja aðra þá í næstu kosningum.

Kv. Fimbulfambli

Óþolandi útvarpskonur

fimbulfambl — Wed, 22 Feb 2006 09:48:08 +0000

skrítinn titill ég veit en þegar maður er í vinnu eins og ég og með útvarpið í eyrunum allan daginn þá fær maður nóg af ákveðnum aðilum í útvarpi. Ég get ekki hlustað á flestar útvarpskonur sem starfa á Rás 2 fæ grænar bólur af að hlusta á þær sérstaklega þær sem starfa í morgunútvarpinu og í síðdegisútvarpinu þar, þær eru að mínu mati ílla undirbúnar og þegar þær eru með viðtöl þá spyrja þær fáranlegra spurninga, spurningar sem augljós svör eru við og algjörlega tilgangslaust að spyrja, ohhhhhh ég er að verða búinn að fá nóg af þessum blessuðu konum, alltaf að reyna að vera sniðugar og fyndnar en skjóta gjörsamleg yfir markið sem betur fer er val um útvarpsstöðvar og get ég sagt ykkur að besta útvarpsstöðin á landinu er Gamla gufan, rás 1, leita æ meira þangað þar sem mér finnst tíminn líða hraðar á að hlusta á talað mál heldur en síbyljuna sem er í útvarpinu. Og uppáhalds útvarpþátturinn minn er “Orð skulu standa” mæli með honum spurningaþáttur um íslenskt mál. Þið haldið örugglega að ég sé hundgamall en ég er nú bara 28 ára

Jæja nóg af þessu “fúll á móti” í mér, fundurinn í gær var um átdagana í næstu viku þ.e. bolludagur, sprengidagur og öskudagur, tók þá ákvörðum að láta þessa daga ekkert trufla hjá mér DDV-ið ætla bara að halda mínu striki sleppa saltkjöti og baunum og bollunum öllum, víst ég gat sleppt sælgæti og konfekti um jólin þá get ég alveg sleppt bollum og saltkjöti í ár. Breytt hugarfar er farið að skila sér hjá mér þ.e. að hugsa ekki svo mikið hvað ég er að léttast mikið, heldur meira hvað ég er að fá gott að borða og hvað mér líður vel yfir að hafa tekið þessa ákvörðun um breyttan lífsstíl og nú eru 25 kg farinn án þess að mér finnist ég hafa þurft að hafa svo mikið fyrir því.

Kv. Fimbulfambli

Já já já

fimbulfambl — Tue, 21 Feb 2006 21:16:03 +0000

Já ég léttist um 1,3 kg í dag og er býsna ánægður með það og eru þá 25 kg kvödd yfir allt og komi þau aldrei til baka aftur

Veit einhver….

fimbulfambl — Sat, 18 Feb 2006 19:29:58 +0000

Hvar maður fær þessa íslensku útgafu af wordpress? Endilega segið mér frá

Kv. Fimbulfambl

Myndaprufur

fimbulfambl — Sat, 18 Feb 2006 00:39:30 +0000

Er enn að að prufa nýjar bloggslóðir

fimbulfambl — Sat, 18 Feb 2006 00:36:39 +0000

Jæja mér líst nú betur á þessa síðu en myblog.is er að pæla í að flytja bloggið mitt en og aftur